Saturday, April 18, 2015
လက်ချောင်းများကပြောသော သင်နှင့် သင်၏ ချစ်သူအကြောင်း
သင့်ချစ်သူအကြောင်းကို သိရှိချင်ရင် လက်ချောင်းလေးတွေကို စီစစ် ကြည့်နိုင်တယ်လို့ သိရပါတယ်။ လက်ချောင်းလေးတွေက ပြောတဲ့ သင့် ချစ်သူအကြောင်းကို သိနိုင်ဖို့ အောက်ပါအချက် (၃) ချက် အတိုင်း ဆန်းစစ် ကြည့်နိုင်ပါတယ်။
၁။ လက်သူကြွယ်က လက်ညှိုးထက် ပိုမိုရှည်လျှင်
အများအားဖြင့် လက်သူကြွယ်က လက်ညှိုးထက် ပိုမိုရှည်တဲ့ သူများက ရုပ် အဆင်း လှပပြီး နှစ်လိုဖွယ် ရှိတတ်ကြပါသတဲ့။ အဲဒီလိုလူမျိုးတွေဟာ ဆွဲဆောင်မှု အပြည့်ရှိတတ်တဲ့အပြင် နှစ်လိုဖွယ် သဘောရှိတာကြောင့် လူအများရဲ့ အာရုံစိုက်မှုကို ရရှိတတ်တဲ့အပြင် ပျိုတိုင်းကြိုက်တဲ့ နှင်းဆီ ခိုင် ဖြစ်တတ်တယ်လို့လည်း အဆိုရှိပါတယ်။
သို့သော် တစ်ခါတစ်ရံမှာတော့ သူတို့ဟာ စိတ်ထက်ကြတဲ့ သဘာဝကြောင့် ရန်မူတတ်ကြပြန်ပါတယ်။ တစ်ခါတစ်ရံမှာတော့ စွန့်စားရတဲ့ အလုပ်မျိုးကို ခုံမင်တတ်ကြပြီး စွန့်ဦးတည်ထွင်လုပ်လိုစိတ်
တစ်ခါတစ်ရံမှာ မိုက်ရူးရဲဆန်စွာ ပြုမူတတ်ကြတာကိုလည်း သတိပြုရမှာ ဖြစ် ပါတယ်။
အဲဒီလို သွင်ပြင်လက္ခဏာရှိသူတွေဟာ ဥပမာအားဖြင့် စစ်သား၊ အင်ဂျင်နီ ယာ၊ စစ်တုရင် ပညာရှင် အစရှိတဲ့ လုပ်ငန်းများနဲ့ အံဝင်တကျရှိတတ်တယ်လို့ ဆိုပါတယ်။
သူတို့တတွေ ထူးချွန်တဲ့အရာက ပြဿနာ ဖြေရှင်းခြင်းလုပ်ငန်းများ ဖြစ်ကြပါ သတဲ့။
သုတေသီတွေ ရှာဖွေတွေ့ရှိချက်အရ လက်ညှိုးထက် လက်သူကြွယ်ပိုမို ရှည်လျားသူတွေဟာ လက်ညှိုးက လက်သူကြွယ်ထက် ပိုမို ရှည်သူများထက် ပိုက်ဆံ ပိုရတတ်တဲ့ သဘောရှိကြောင်း ထုတ်ဖော်ပြောကြားခဲ့ကြပါတယ်
၂။ လက်ညှိုးက လက်သူကြွယ်ထက် ပိုမိုရှည်လျှင်
သူတို့က တစ်ပါးသူထက် မိမိကိုယ်ကို တန်ဖိုးထားတတ်ကြတဲ့ အမျိုးအစားထဲ မှာ ပါဝင်တယ်လို့ ဆိုပါတယ်။ တစ်ခါတစ်ရံမှာတော့ သူတို့တတွေဟာ မိမိ အရေးကိုသာ အလေးထားတတ်တဲ့ သဘာဝကြောင့် အနည်းငယ် အတ္တဆန် တဲ့ သဘောရှိတတ်ပါသတဲ့။
ဒါ့အပြင် သူတို့ဟာ တစ်ဦးတည်း နေထိုင်ရခြင်းကို မြတ်နိုးတတ်တဲ့ စိတ်ရှိပြီး အဲဒီလို တစ်ဦးတည်း အထီးကျန်စွာ နေထိုင်၊ နေချိန်မျိုးမှာ ဝင်ရောက် စွက် ဖက်တာမျိုးကို နှစ်သက်လေ့ မရှိကြဘူးလို့ သိရပါတယ်။ လူအများ နဲ့ ရောထွေးနေထိုင်ရတာကို သိပ်ပြီး နှစ်ခြိုက်မှု မရှိကြဘူးဆို ပါတော့။
ထူးခြားချက်ကတော့ အချစ်ရေးမှာ သူတို့က အစပြုဦးဆောင် ပြောကြား တတ်တဲ့ သူမျိုး မဟုတ်ဘဲ အုံ့ပုန်းလေး နေတတ်သူများ ဖြစ်တယ်လို့ သုတေသီများက လေ့လာတွေ့ရှိခဲ့ကြပါတယ်။ သို့သော် သူတို့ကို တခြားသူများက ချစ်တာကိုတော့ မြတ်မြတ်နိုးနိုး ခံယူတတ်ကြတယ်လို့ သိရပါတယ်။
၃။ လက်သူကြွယ်နဲ့ လက်ညှိုး တူညီလျှင်
လက်သူကြွယ်နဲ့ လက်ညှိုး တူညီတဲ့ သွင်ပြင်ရှိသူများက ငြိမ်းချမ်းရေး လိုလားသူများ ဖြစ်ကြပါသတဲ့။ သူတို့ဟာ ပြဿနာ၊ ပဋိပက္ခများ ဖြစ်ပွား တာကြောင့် အင်မတန် စိတ်အနှောက်ယှက် ဖြစ်တတ်တဲ့ သူများ ဖြစ်ပါတယ်။
သူတို့က ပူးပေါင်းလုပ်ဆောင်လိုစိတ် ရှိတဲ့သူများ၊ လူအများနဲ့ သင့် တင့်လျောက်ပတ်စွာ အတူယှဉ်တွဲ နေထိုင်လိုသူများ ဖြစ်ကြပါတယ်။
အချစ်ရေးမှာတော့ သူတို့ဟာ အင်မတန် သစ္စာရှိတဲ့အပြင် လက်တွဲဖော် ကို နူးညံ့စွာ ကြင်နာတတ်ကြသူများ ဖြစ်ကြပါသတဲ့။
မြန်မာ့ဇွဲမာန်
Subscribe to:
Post Comments
(
Atom
)
No comments :
Post a Comment